[i56o]

DE LA VILLE DE PARIS.'

Après eulxsuyvoit le Procureur du Roy etde lad. Ville avec le dernier Eschevin ;

Après, marchoient le Receveur d'icelle Ville et mons^1, Perrot, Conseiller de lad. Ville, aussi à cheval ;

Après, suyVoient les Quarteniers aussi à cheval, et ainsi allerent jusques au logis dud. Chancellier, demourant rue Malleparole M, où ilz entrerent en une salle, et là attendirent mess" des Cours souveraines.

Après que la Court fut arrivée en lad. grande salle tendue de deul, et eulx assis sur des selles ou formes y estans, le doyen de Sainct Germain de l'Auxerrois (²', où devoit estre enterré led. Chancellier, vint par devers mess™ les presidens dire que c'estoit à luy et à ses chanoines de enlever le corps dud. Chancellier et chanter à son convoy, ce que môns^r de Paris et ses chanoines empescheront, disans que de droict ilz devoient assister en lad. eglise, et non lesd, chanoines et chappitre de Sainct Germain, et d'autre part lesd, chanoines de Sainct Germain disoient qu'ilz recongnoissoient bien led. Evesque à superieur, et non pas lesd, chanoines de Paris, soustenu au contraire par lesd. Evesque et Chappitre de Paris, disans estre superieurs desd, de Sainct Germain, requerans à lad. Court en adviser et ordonner. La matiere mise en deliberation par mons^r le premier president, fut dit et ordonné par arrest provisionnal que mons' l'Evesque de Paris lèverait le corps dud. Chancelier, et chanteraient lesd, chanoines de Paris jusques à la porte de lad. eglise Sainct Germain de l'Auxerrois, puis se retireraient et donneraient lieu ausd, chanoines de Sainct Germain. Ce qui fut faict et feist l'office mond. s^r l'Evesque de Paris⁽³' en lad. eglise Sainct Germain.

Et au partir dud. logis dud. s^r Chancelier, deux maistres des Requestes prindrent les deux boutz, de devant du poiHe, et mess™ les presidens de Thou el Baillet portoient les deux boutz du poille de derriere, et alloient les cryeurs devant avec les serviteurs et officiers de la maison.

Après, marchoient deux cens pauvres, vestuz de deul, portans chacun une torche ardante, garnyes d'escussons aux armoiryes dud. s^r.

Après eulx suyvoient les trente six archers de lad. Ville, vestuz de leurs hocquelons de livrée, el portans chascun une torche ardante, garnyes d'escussons aux armes de lad. Ville ;

Suyvoient les officiers de la maison ;

Marchoient après eulx ceulx qui portoient le corps qui estoit conduit par mons^r de Paris.

Suyvoit le grand deul, mené parles evesques de Chaallons et de Rieux (*) ;

Après eulx suyvoit la Court dc Parlement qui .ne marchoit pas en corps de Court <⁵), et n'avoient aucuns huissiers devant eulx, mais avec eulx estoient meslez deux presidens des Comptes, et aucuns officiers du Roy, parens dud. deffunct;

Après, marchoit la Ville en l'ordre que dessus, et ainsi allerent en l'eglise Sainct Germain, assistèrent à vigilles et à l'enterrement, puis chascun s'en retourna.

Et le landemain, Mess™ de la Ville allerent au service aud. Sainct Germain sans marcher en corps, et n'y avoit que une douzaine de hacquebutiers, et les sergens devant eulx, vestuz de noir. La messe dicte, s'en retournerent disner en leurs maisons.

LXXXVIII. — Lettres du Roy.

3 mai i56o. (Fol. 57 r°.)

Dé par le Roy. "Trés chers et bien amez, nous avons receu la

lettre que nous avez escripte du dernier du moys passé, par laquelle nous avons entendu la crainte

(1' La rue des Mauvaises-Paroles, dans le quartier Sainte-Opportune, allait de la rue des Bourdonnais à la rue des Lavandières.

(2) Jean de la Grange, docteur en théologie, reçu doyen de Saint-Germain de l'Auxerrois le 6 mars 1558 (n. st.) (Archives nationales, Uj 507, -°1. -•)

(3' Eustache Du Bellay, évêque de Paris, de i55o à i563.

⁽⁴' François du Bourg, qui occupa le siège épiscopal de Rieux de 1538 à 1568.

'-' Le vendredi 26 avril, les parents et amis du chancelier Olivier vinrent convier le Parlement aux obsèques qui devaient avoir lieu le dimanche suivant à Saint-Germain de l'Auxerrois. La Cour tint une délibération à l'effet de savoir si elle devait y assister en corps; comme dans des circonstances analogues la compagnie ne l'avait point fait, elle décida qu'elle s'abstiendrait et que les présidents et conseillers s'y rendraient individuellement; mais on voit par une note inscrite en marge du registre des Matinées que le 29 avril le Parlement se leva à neuf heures pour aller au service funèbre du chancelier Olivier." ('Archives nationales, Parlement de Paris, X" i5g4, fol. 16 r°; X"¹ 4980,'fol. 64 v°.) . ;• .,;«.-•'